ආදරය නමින් යමක් ඇති බව කියා දී ඔබ යන්න යන වගයි

ආදරය නමින් කිසිවක් නැති බව කියා දී ඔබ යන්න යන වගයි

ආදරයට කළ නොහැක්කක් නැති බව කියා දී ඔබ යන්න යන වගයි

ආදරයට කළ හැක්කක් නැති බව කියා දී ඔබ යන්න යන වගයි

මම තවම නුඹ වෙනුවෙන් තැවෙමි, මග බලන් ඉමි, විඳවමි, නුඹ සුවෙන්දැයි අසමි

නුඹ මා ඇතැර, ගල් වූ හදින්, නෑසූ කන්ව මගේ වේදනාවන් රසවිඳී......

හිත පාර පාරා වේදනාවන් රසවිඳී.......

රිදුම් දෙන මුත් තවමත් ගැහෙන හදවත

ගලවා රැගෙන රුධිරය පිරුණු දෑතට 

නුඹට පෙන්වමි මදකට ගන්න ලඟට

මට අවැසියි නුඹ සුරත මත මියෑදෙන්න

බුර බුරා නැගෙන විට හදවතේ සෝ ගින්න අහසටත් ඉහලින්

අඬ අඬා යදිනු මිස වෙන කුමක් කරම්ද ආදරය නුඹගෙන්

හිත හිතා හිත රිදුම් සතුටක්ව නුඹට අද මේ විලසින්

වහ වහා දිය බිඳක් දෙන්න ගිණි නිව්මට නගෙන හදේ විගසින්

අතු පතර විහිදුන මහා නුග රුකකි ආදරය 

උගුළුවා හල නොහැක අතු පතර කපා හළ මුත් නුඹ තනිවවම

වේදනාබර මතකයන් විටින් විට පාරමින් හද දවන සඳ

නුග රුකෙහි මූළයන් තදින් ඔබ වෙත බැඳී හඬයි තැවෙයි නුඹටවත් නොපෙනෙන ලෙස

අතීතය කියා ඇති යම් කිසි දෙය මහ වේදනාවක් නේද

මට නොකීවට නුඹටත් යන්තමින් හරි ඒ බව දැනෙනවා ඇති නේද

හැකි වුනෝතින් වෙන් කරන්නට යලිත් නොබැඳෙන ලෙස අතීතය සහ වර්තමානය

ඒත් මං හිතන්නෑ විසඳුමක් ඇති බව, අපි වගේ හිතින් හරි බැඳිල ඇති අතීතය සහ වර්තමානය

මෙන්න මෙච්චරක් කියල හරි පෙන්නන්න පුළුවන් උනානන් හදවතේ ඇති වේදනාව

මම දන්නවා ඔය ඇස් පිටුපාන්නෙ නැති බව ආදරය ගාව

ඉඩෝරය මැද මියැදෙන්න පණාදින වේලිච්ච නුග පැලයකට

දිය බිඳක් කියන්නෙම මහමෙරක් තව මොහොතක් හරි ජීවත් වෙන්න

ඔබ "නාස්ති" කරගත් වසර කීපය

මම ජීවත් වුණෙමි

ස්තූතියි නොකියමි

පිං දෙමි!