බිඳී විසිරුණු මතක
ඇහිඳින්න වෙරදරන මොහොතක
නුඹ ඇවිත් ආයෙම ආයෙම
වලක්වන'යුරු දරුණු විලසින්
සිත බිඳුණු දිනෙක මතකද
සීරුවට පිරිමැද
බිඳුණු සිත සිත්තම් කළ'යුරු නුඹ
නුඹම සැනසූ සිත
තලා පෙලා රිදවා අඩපණ කොට
නුඹ ඉන්න අපූරුව අද
ජීවය නුඹයි
නුඹේ මුදු වදන් සිත නිවයි
අතීතය සොඳුරුයි
නුඹ නොමැති හෙට අඳුරුයි
මතු යම් දිනෙක
ඔබ හඬා වැටෙනු ඇත
සමහරවිට
නමුදු ඔබ එලෙස
හඬා වැටිය යුතු නැත
මතු දිනෙක
ඔබ මා අතැර මගහැර
අතරමං කර ගිය දිනය
මතකද එදින
එයයි මා මියගිය දිනය
ඔබ සිනාසී හිනැහුණු
ඒ දිනය
