ලීක් වෙච්ච ලින්ක් වගයක් තියෙනව, එවන්නද.....

ලීක් වෙච්ච ලින්ක් වගයක් තියෙනව, එවන්නද.....

වළාකුළු බැම්ම පහුකර
පක්ෂි වසුරුත් මගහැර
ඔබ මොබ යන අතර
කොනිත්තපු තැන්
තාමත් රිදෙනවද.....

ගුඩ්ෂෙඩ් එකේ කෙළවර
රතු පාට බස් එකක මුල්ලක
ගවුම් රැලි පොඩි වෙච්චි හවසක
හිරිකඩක්වත් නැතුවම
හිරිගඩු පිපුණු ලස්සන.....

කසුන් බණ්ඩාර සෙනෙවිරත්න
චාපා ගංගාදරී අබේනායක
අමතකව ගියාට
අමතක නෑ නේද
තුන් පාරක් බලපු
ආදරණීය වස්සානය.....

නොස්ටැල්ජීක සීතල මතක
ෆෝන් සීසී ටීව් නැතුවම
ලීක් වෙනව තාම ඉඳහිට.....
ඔයාටත් බලන්න
ලින්ක් එක මං එවන්නද....

දිනුෂ ජයසිංහ
2018.09.28

බරපතල රිදවුම් ඉවසිය යුතුය

       බරපතල රිදවුම් ඉවසිය යුතුය
       -------------------------------------------

            විකල්ප නැති ආදරයක්
         ඒක මහ දරුණු දඬුවමක්
                  නිදහසක් නැති
        පෙනෙනතෙක් මානයකවත්

              ආදරය සිර දඬුවමක්

                ජීවිතාන්තය තෙක්
             බරපතල රිදවුම් සහිත
                     සිර දඬුවමක්
       
                   ~දිනුෂ ජයසිංහ~
                          2018.09.27

පතොක් හදවත්

පතොක් හදවත්

 

හදවතක් සැනසීම පමණක්

කළ යුතුය තව හදවතක්

බැරිද ගේන්න නීතියක්

අන්න ඒ පක්ෂෙට

මේ පාර මගෙ ඡන්දයත්

 

කටු පිරුණු පතොක් හදවතක්

පණ ගැහෙන මුදු තෙත් හිතක්

කරන්නට හැකි වෙදදුරෙක් වෙද

සොයා දෙනවද

අනේ පිං ලොකු උදවුවක්

 

කටු ඇණෙනකොට දරා ගන්නට

ලේ පෙරෙනකොට හිනා වෙන්නට

දුක් නිවාලන ගීත පදයක්

කියා දෙනවද

ඒ මොකක්වත් බැරි උනත්.....

 

-දිනුෂ ජයසිංහ-

වේදනාව

 

 

 

පෝක් කෑල්ලක් කද්දි
දිව හැපුණ චුට්ටක්
අම්මෝ........!
රිදිච්ච තරමක්

හීන බොඳ කළ හැකියි, මෙහෙමත්

 

 

 

 

හීන බොඳ කළ හැකියි
මෙහෙමත්

_________________________

 

කවි නමින් හැංගුනේ
කවදත්
ඔබ නමින් හිතේ උන්
රහසක්
මිරිකමින් හීන කවි
දහසක්
හිනැහුණා නෙතු අගින්
දවසක්

 

ඔව්,

හීන බොඳ කළ හැකියි
මෙහෙමත්

 

 

~දිනුෂ ජයසිංහ~

කලුකුමාර මම වෙමි - හැර යා නොහැකි තැන ලියමි

ඔබ හිතේ නොකියාම'රක් ගත්

           උන් මරා මුත් උඹව රැක ගත්
           ලඟින් හිඳ සනසන්න බැරිමුත්
           මමයි කලුකුමරු තී දැනගන්

           ආදරය ලැබෙනවැ'ති
           ඉහටත් උඩින්
           තනිකමක් නැතුව ඇති
           කොහොමත් ඉතින්
           යක් මුහුණ දකිනු රිසි
           නැති මුත් නිතින්
           එළවන්නෙ හිතකින්ද
           කියපන් ඉතින්

ප්‍රේමය කියන්නෙම ප්‍රේමයක්

අනියම් විය හැකිද
ප්‍රේමයක්
කොහොමටවත්

අසම්මත විය හැකිද
ප්‍රේමයක්
කවදාකවත්

තහනම් විය හැකිද
ප්‍රේමයක්
කිසිවෙකුටවත්

ප්‍රේමය කියන්නෙම
ප්‍රේමයක්
කවුරු කොහොම කිව්වත්

      - දිනුෂ ජයසිංහ
        2018.06.24

එබැවින් ඉවසමි

දවසක් ඒවි
තාත්තෙකුටත්
දූ අත අත හැර
බලා ඉන්නට
පසෙකින්.....

  2018.06.22

නෙලුම් කුළුණෙන් වැටී මියගිය තරුණයා නොකී කව.....

නෙලුම් කුළුණෙන් වැටී මිය ගිය
තරුණයා නොකී කව...............
__________________________

අමුතුවෙන් වැටෙන්නෙ කොහෙටද
ඉපදෙනකොටම අපි
ගොඩක් පහලට වැටිලනෙ හිටියෙ

නෙලුම් කළුණුත් කුළුණුද
අපේ දුක් කුළුණුත් එක්ක බලනකොට
ඒව හරි පුංචි ගොඩනැගිලි

අපිට කවුද උඩට යන්න ලිෆ්ට් දුන්නෙ
හැමෝම කලේ මගක් ගෙනිහින්
බිමට අතෑරපු එකමනෙ

මල්වඩම් ලොකු තොරණ් මොකටද
අපි වගේ මියෑදුනු උන් නමින්
ජීවිතේ ගොඩ ගන්න දගලද්දි

     2018.06.10

මල් පිරී ගෙමිදුලේ අඹ ගහ
සුදට හිනැහී බලනවා

එහා වත්තේ ජානකීගේ
පොඩි එකී අර අඩනවා

මට පේන්නම හිනැහෙමින්
නැපි මිරික මිරිකා වනනවා

බාල්කේ අර ලේන් කූඩුව
දකිද්දිත් දුක හිතෙනවා

ගෙඩි හැදන්නැති මල් පැපොල් ගහ
කපන්නත් මට හිතෙනවා.......

        දිනුෂ ජයසිංහ
        2018.06.09

පහ - ඒ පංතියේ
උඹ හිටියෙ මට එහා පැත්තෙම
බංකුවේ
අද ඔයා බැංකුවේ
චෙක් එක ගෙවනකන්  ඉන්නලු මට
බංකුවේ

-දිනුෂ ජයසිංහ

ඔබ මගේමයි | You are mine

ඔබ මගේමයි

මට නොකීවට කම් නෑ
කෙසේ ඔබෙ දුක් තුනී කරම්ද
මා ඔබේ දැයි නොදන්නෙමි මා

නොකියා කෙලෙස හිදිම්ද
ඔබ දුකින් බැව් හිත කියනකොට
ඔබ මගේ බව සිතන්නෙමි මා

මා ඔබේ නොවුනට
තාමත්
ඔබ මගේමයි
වගේ පෙරදා.....

-දිනුෂ ජයසිංහ-

-2018.05.30-

මතක

                           මතක

                හැම රෙද්දම අරන්
                 යන්නම ගිය එකේ
    මොන මගුලකට තියල ගියාද මන්ද
              මේ ඔක්කොම මතක

                                         - දිනුෂ ජයසිංහ

“කූඹිච්චි”

“කූඹිච්චි”

අට වසරෙදි විතර ඉස්කෝලෙ යනකොට අහම්බෙන්  මට         හම්බෙච්චි

ඉරිද පංතියට ලස්සන ලස්සන ගවුම් ඇන්ද මල් මල්                         බෝරිච්චි

කැරලි කොන්ඩෙ වැඩිය දිග නැති යනකොට දෙපැත්තට             පැද්දෙච්චි

ඉඳල හිටල හිනාවෙනකොට මගෙ හිතත් හොඳටම                ගැස්සෙච්චි

කොල්ලො විහිළුවට කිව්වෙ ඒ කාලෙ ඔයාට “ලස්සන                        කූඹිච්චි”

දහයෙ පංතියෙදි මං උන්ට බැන්නෙ, “කට වහන් ඉදපන් ඒ මගේ   කූඹිච්චි”

උන්ට බැන්නට උඹ මගේ වග උඹට කියන්නට                                   බැරිවෙච්චි

ඕ ලෙවල් ලියුවැයින් පස්සෙ උඹ ගැන ආරංචියක්වත්                    නැතිවෙච්චි

කාලෙකින් දැක්කෙත් නෑනෙ, ලඟට එනකන්ම අදුරගන්නත්     බැරිවෙච්චි

අතේ එල්ලිල හිටියෙ දූ නේද? අනේ උඹ වගේමයි "මගෙ"                     කූඹිච්චි

එන්න හිතුනොත් එන්න

එන්න

හිතුනොත්

ආයෙත්

එන්න

නොහිතාම

දෙවරක්

දුක

සතුට

සේරම

අහන්නන්

ඉස්සර

වගේම

බිදක්වත්

දුක 

නොහිතෙන්න

හදන්නන් 

හිත

තිස්සෙම

ඕනෙම

වෙලාවෙදි

මට

මගෙ

ලග

හිටියෙ

නැතුවට

තරහ 

නෑ

මම

එන්න

හිතුනොත්

එන්න

ආයෙම

බලාගන්නන්

ඉස්සර

වාගෙම

තනිය

ඔහොම ඉන්න එපා

ඇබ්බැහි වේවි මේ තනියට

එහෙම වෙච්චි දවසට

දුක හිතේවි ඔයාටත් හොදටම

ගොඩක් හීතල අද වගේ දවසක

මතකද ඇහුව තුරුල් වෙන්නද

දෙතොල් වලටත් රහක් ඇති වග

ඉගෙනගත්තෙත් හීතල හවසක

ආදරය

එදත් මට තිබුණෙ
ඉවසන්න ඩිංගක්

එහෙනන් තාමත්

ආදරේ කරනව
අල්ලන්නෙ නැතුවම
අතින්වත්

මෙහෙමම ඉන්නම්

ඔය හිනාව ඔහොමම තියේනම්

මම හැමදාම මෙහෙමම ඉන්නම්

                                                                                          

මරණය අභියස

මරණය අභියස

පෙම් කරමි

මලකට

බාදුරා

සංහිඳියාව

සුරුවම ගාවින්ම

චූට්ටක් එහා පැත්තෙන්

අපිත් හදමුද

ඒකට ටිකක් ලොකුවෙන්

අමරෙ මල්ලි දෙන්නන්

කිව්වා ඉස්පීකරෙත්

හැමෝටම "සෙත්"වෙන්න

දාමු ඒකත් හයියෙන්

මතක

මේ මතක මහ කරුමයක්

තිස්සේම ඇහැරවන

මේ හැගුම් මහ වදයක්

හීනෙනුත් බය කරන

මේ ගෙවෙන්නෙම හීනයක්

ඇහැරුනත් නිම නොවෙන

මේ වචන මහ විහිලුවක්

ඔයාටත් හිනා එන

යුනිකෝඩ්

මම මාර නිදිමතයෙක්

පුටු උඩ මේස උඩ නින්ද යන

ඒත් මේ රෑ ඇහැරගෙන

කිසි අරමුණක් නැතුවම

ඉස්සරනන් ඔයා හිටියා

නින්ද ගියාම සැර කරල ඇහැරවන්න

අද මං විතරයි කවුරුවත් නෑ

මට බැනල මාව නිදිකරවන්න

ඉතිං මක්කරන්නද, ඇහැරගෙන ඉන්නකොට

යුනිකෝඩ් නාස්ති වෙනව මාත් දන්නෙ නැතුවම

ගිහින් නුබ ගොඩක් දුර

මාත් ආසයි අදුරු ගොම්මනේ

අත් අල්ලගෙන ඔහේ ඇවිදින්න

නිවි නිවී පත්තු වෙන පහන් කණුවක් යටදි

ගොඩක් ආදරේ වග කණට කර කොදුරන්න

ජීවිතේ නොතේරෙන චූටි දරුවෙක් වගේ

හිතට එන හැමදේම කියවන්න

ගොලු වතින් සියලු දේ අහන් ඉද අන්තිමේ

"මැට්ටා", හරි ආදරෙන් ඔය මුවින් අහ ගන්න

ඒත් මට මං ගැනම පවු කියා හිතෙන්නම

ගිහින් නුබ ගොඩක් දුර මා දමා "මගෙ" මැණික