ආදරය කෙටියෙන්

ආදරෙන් කාටවත් නොකී
වෙන් වෙලා නුඹ යද්දි මැකී
ගොතනවට වැඩිය මේ වැකී
මත් වෙච්චි ජීවිතය ලකී

පෙරුම් නොපුරමි

හිස නුඹ මත හොවා
සැනසෙන්නට සැතපෙන්නට
පෙරුම් නොපුරමි
සවන් නුඹ කුස යොමා
කළලයක පෙරළි විඳිනට
පෙරුම් නොපුරමි
පපුතුරේ නුඹෙ මුව හොවා
හිස පිරිමැද සනසන්නට
පෙරුම් නොපුරමි
මුදු රෝස දෙතොල් පෙති
සිසිලසින් සනසන්න රිදවන්න
පෙරුම් නොපුරමි

නුඹ පේන මානයේ හඬ ඇසෙන මානයේ
රැදෙන්නට පමණක්ම
පෙරුම් පුරමි.......

ඔබේ ජීවිතයේ කිසිම තැනක මා වෙනුවෙන් ඉඩක් නොමැති බව මා දනිමි.....
නමුදු, මගේ ජීවිතයේ සෑම තැනක්ම
නුඹ අරක්ගෙන හමාරය.....
මා ඉන්නේ ඔබේ ජීවිතය තුල නොවන බැවින් අමුතුවෙන් මා එළවීමට ඔබට නොහැක.....
ඔබ මට ඉතා ලඟ වුව - මා ඔබට ඉතා දුරය.....
කම් නැත......
මා ඔබව මගේ ලඟ ආදරෙන් රැක ගනිමි.....
ඔබ මාව තව තවත් ඈත් කරන්න.....

සමා වුව මැන

වද දෙන්නෙ නුඹට
මා නොව
මගේ ආදරයයි

නුඹ පසුපස
පැමිණෙන්නේ
මා නොව
මගේ ආදරයයි

නුඹ ගැන සිත සිතා
දුක් වන්නේ
මා නොව
මගේ ආදරයයි

ඉතින්,

නුඹ මගෙන් පළිගෙන පලක් නැත
පළිගන්න මගේ ආදරයෙන්
මරා දමන්න ඒ ආදරය
ඒ වදකාර ආදරය
මරා දමන්න
නුඹට සිත් ලෙස