Copied from. Ma Du Ranga
අවසාන වතාවටත්
නුඹ හොඳින් දැයි ඇසීමට සිතමි
අවසාන වතාවට අවසානයක් නැති නිසා
නිහඬව හැරෙමි
ඉමක් නැති කල්පයකට වඩා මොහොතක දීර්ඝතම බව විඳිමි
ශුෂ්ක කාන්තාරයත් කෙමෙන් මියෑදෙන උයනකට අසමාන බව දනිමි
ඉතින් මම ලියමි
හඳ දෙස බලා ලියමි
වරද්ද වරද්දා තරු ගණන් කරකර ලියමි
නෙත් කෙවෙනි තෙත්වන තුරු
ඇස් කොණින් රතුවන තුරු
හදවත ඇවිලෙනයුරු
වෙව්ලන දෑතින් ලියමි
නුඹ කිරිල්ලියක් බව ද
නුබගැබ පියාසලන හැටි ද
සිනාසෙන ඇස් ද
බැඳීගිය අත් ද
බිඳීගිය දෙනෙතින් දුටිමි
මුමුණන මියුරු තනු ද ඈතින් ඉඳ අසමි
පුරුද්දටදෝ
නුඹ හොඳින් දැයි ඇසීමට සිතමි
නුඹ සුවෙන් බව දනිමි
නුඹ හොඳින් යැයි සිතමි
විඩාබර දෑස් පිස
අවසාන වතාවට අවසානයක් නැති නිසා නිහඬව හැරෙමි......❤️🍂
උඹ මෝටර්සයිකලයක පිටුපස
දෑත් දපසට විහිදුවා
මහත් වූ සතුටින් ගමන් කරනු දුටුවෙමි
රැළිති කොණ්ඩය සුළගේ විසිර
මට ඔච්චම් කළේය
එක් වරම නුඹ නැගිට කෑගැසුවාය
නුඹ එකතරම් සතුටකිනි
මා සිටියේ නුඹෙ ගිය මග පසෙකය
කිළිටි ඇඳුම්, හිසට ඇළුනු කෙස්,
දුර්වල අත පය, ගිළුණු ඇස්
නුඹ මා පසු කොට ගිය පසු
මම අතවැනීමට සිතුවෙමි
නමුත් එසේ නොකළෙමි
"අන්න අර බයික් වලට අත වනන පිස්සා මැරිලා"
කවුදෝ කියනු ඇසුණි
එක්ස්කියුස්මී ටීච මම දෙක ඕලු පන්තියෙ පොඩි සමන්
පින්තූරෙනන් පේන් නැතුවැති සිග්නලුත් නෑ හරි හමන්
ගණන් පාඩම බුද්ධ ධර්මය ඉගෙන ගත්තට සිත් තුටින්
අම්මා පිටරට අප්පා වැලිකඩ ආච්චිත් සත්තයි ලෙඩින්
අක්කා දැන් පහ වසරෙ මිස් ශිෂ්‍යත්තෙ ලියනවා පාසලෙන්
එයා දක්ෂයි හැඩයි නිතරම පළමු වෙනියා පන්තියෙන්
මිස් වුනත් මට ගණන් පාඩම අක්කා පව් මම හරි දුකින්
ටීච මම දැන් ලීව් වෙන්නද අක්කටත් දැන් ඔන්ලයින්
