එයා ගිහින්. මේ රූපරාමු දරා ගන්න හරි අමාරුයි. තමන් ආදරේ කරන අය ලඟින්ම ඉන්නවනන් කොච්චර හොඳද. පරිස්සන් කර කරගෙන ඉඳල එයත් එක්කම යන දවසක යන්නත් පුලුවන්නන්.
...... .....

ගිලෙන මං
ගොඩ අරන්
හුස්ම දී
සුව කරන්
එක සැනින්
මුව වසා
හුස්ම ටික
හිර කලා
පණ තියෙද
බල බලා
විඩෙන් විඩ
සුව කළා
නුඹ මාව
සිර කළා
සුව කළා
සිර කළා
තවතවත්
නුඹ කෙරේ
ලං වුණා
ලං වුණා

pk ෆිල්ම් එකේ ජග්ගු කියනවා එක තැනක, මට යන්න ඉඩ හරින්න තරන් එයා මට ආදරේ කලා කියලා....

අනේ මටනන් බෑ එච්චර ආදරේ වෙන්න 🙏

එහෙනන් බලන්නන් ෆිල්ම් එකක්
නැත්නන් ටෙලියක්
හිත හදා ගන්න

සමනළ සංධ්වනිය බලන්න ගත්තා. වාදීෂගෙයි පුන්‍යාගෙයි අහිමි වෙච්ච ආදර කතාව. මගේ නොවන මගේම ආදරයක් ගැන කියවෙන කතාව. එකකට එකක් සම්බන්ධයක් නැති, මෙන්න මේකයි කියන්න හේතුවක් නැති දේට මිනිස්සු ආදරේ කියල කියනවලු.

ඊලඟට දැකල පුරුදු කෙනෙක්. ආදරේ කියන්නෙ දැනෙන දෙයක්ලු. ආදරේ කියන දේ දැනෙන දෙයක් කියල දැනගත්තෙ එයාගෙන්ලු.

තැතින් තැන, අතරින් පතර සහෝදරයා බලන්න පටන් ගත්තා. තමන්ට නොලැබිච්ච, තමන්ගෙ යාලුවෙක්ට ලැබිච්ච ආදරේ, උත්තරාදේවිව, අජන්ත පරිස්සන් කරන හැටි......කිසිම දෙයක් බලාපොරොත්තු නොවී රකින හැටි......

ඒකත් අල්ලලා දාල තණමල්විල කොල්ලෙක් බලන්න ගත්තා. යශෝධරා දීප්තට ආදරේ කරනවද? කිසිම දෙයක ආපිට බලාපොරොත්තු නොවී දීප්තට මගපෙන්නපු යශෝධරා අවසානයේ දීප්තගෙන් ඉල්ලන්නෙ හැම තිස්සෙම කල්පනාවෙන් වැඩකරන්න. ඒ නැවත නොඑන්නම යන ගමනක් නිසාදෝ කියල හිතුනෙ.....

ඊලඟට බියර් විතවුට් ඇල්කොහොල්. ලොක්ඩවුන් කාලෙ හඳගම හදපු ශෝර්ට්ෆිල්ම් එක. ආදරේට ඇදවටෙන හැටිද, ආදරේ නිසා ඇද වැටෙන හැටිද, ආදරේ නිසා ඇදවට්ටවන හැටිද මොකද්ද මන්ද මහ අමුතු එකක් එක්ක "falling in love" කියල ඉවර වුනේ ඒකත්. මෙන්න මේ සිංදුව පසුබිමින් ඇහෙන ගමන්..... "මට මා අමතක....නිමේෂයක ඔබ කඩා වැදී මා සිත් ආකාසෙට.... උල්කාවක් සේ එලිය විහිදුවා..... නිවී ගියා කළුවරම ඉතිරිකර...මායාවකී ඔබ ඇත්තක් වාගේ..... මා දෑසේ දැවටූ...."

යන්තන් ඊට පස්සෙ වීරයා ගෙදර ඇවිත් එකේ එපිසෝඩ් හතරක් බලා ගත්තා. හතර වෙනි එකේ මෙහෙම වෙනවා....ගමට ආපු කුලේට මගදි විශාකා මුණ ගහෙනවා. කුලේගෙ ඇස් පේන්නෙ නෑ. දෙන්න මූණට මූණ හම්බෙලත්, විශාකා කතා කරන්නෙ නෑ. එයා ඉන්නවා කියල දැන ගන්න කුලේට වෙන විදිහකුත් නෑ. කුලේ හරි අසරණයි. ඈතින් විශාකා විල්බට් මාමා එක්ක කතා කරන එක යන්තමට ඇහුණ කුලේ දැනගන්නවා විශාක තමන්ව දැක්කත් මග ඇරල ගිය වග.... පස්සෙ දවසක කුලේ මෙහෙම අහනවා...."තාමත් ඉස්සර වගේමද, මහතද.......මට ඔයාව බලන්න ඕනෙ, මං දන්නවා ඔයා බැඳල කියල...ඒත් මට ඔයාව බලන්න ඕනෙ........"

ඉතින් දැන් මට මොකද්ද කරන්න කියන්නෙ....?

පොතක් බලන්න ගත්තා
දුර ඈතක ඉන්න
මූණ දැකලවත් නැති
කවදාහරි ලැබෙයිද දන්නෙත් නැති
ලස්සනම ලස්සන කෙල්ලෙක්ට
හිතින් විතරක් තදින් බැඳිල
ආදරේ කරන කතාවක් ඒක
කියන්න
දැන් මම කරන්න ඕනෙ මොකද්ද
පෙරටත් වැඩිපුර විඳවන්නද........?
නැත්නන්........?

රිදෙන්නැතුවැ'ති නුඹේ හිත
රිදෙන තරමට මගේ හිත
මරා නොමරා තලා පොඩිකර
දමාපන් නුඹ මගේ හිත

මැණික

අපි හිර වෙලා ඉන්නෙ උගුලක

කටු කම්බි ගෙල හිර කරන උගුලක

ගැලවෙන්න දඟලන්න දඟලන්න

තව තවත් එහිම හිරවෙන උගුලක

ඉන්න විදිහටම දඟලන්නෙ නැතුවම ඉමු නේද

ගැලවෙන්න දඟලද්දි හැදෙන තුවාල වේදනයි නේද

අනේ අපි මෙහෙමම ඉමු නේද

😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂🤣🤣🤣🤣🤣🤣🤣🤣🤣🤣🤣🤣🤣🤣🤣😆😆😆😆😆😆😆😆😆😆😆😆😆😆😆😆😆😆🤪🤪🤪🤪🤪🤪🤪🤪🤪🤪🤪🤪🤪🤪👻👻👻👻👻👻👻👻👻👻👻👻👻👻👻😁😁😁😁😁😁😁😁😁😁😁😁😁😁😁😁😄😄😄😄😄😄

නොලියන්න හිතුවාට
මට ඇත්තෙ මෙච්චරයි
සතුටින්ද වෙනදාට
වඩා, එහෙනන් හොඳයි
ගෙතුවාට දුකට පද
දනින්නැත්තන් හොඳයි
මා මරා සැනසෙන්න
ඒත් මං ආදරෙයි

දෑස් පියා ගන්න නිදහසේ
කියන්න නුඹ සුවෙන්ද සොඳුරියේ

සත් මසක් ගෙවුණා
සත් වසක් සදිසිව සත් මසක් ගෙවුණා
සිතක් දෙසිතෙන් තනි වෙලා
මග හැරී මග තොට - මග නොමග පැටලිලා


කොඳ  කැකුළු පීදුණු සඳ පහන් සීතේ
තරු කිනිති කැල්මෙන් මග කියූ යාමේ
නුරා - අනුරා හැඟුම් පොදි බැඳ
නුඹයි ඒ ආවේ - මා  වෙත  නුඹයි ඒ ආවේ


ලෙහි හොවා  වැඩු  පුතු ගිලන් වී
සිත විකල් වී දැයි නොම දනී
අබිනික්මනට තව කල් වැඩී
ආපිට හැරෙන් මගෙ  මධුමතී - මම නුඹ ලඟයි තව මධුමතී


(නිමිත්ත : සත් මසකට පෙර පිළිකා රෝගී පුතු හා තමා  තනිකර නිවෙස හැර ගිය බිරිඳ සොයා දෙන්නැ'යි සැමියකු ආයාචනා කරයි.)

පද: නිරෝධා මල්ලිකාරච්චි

ආදරිය නුඹෙ හිස
හොවා මා උර මත
ගුළිවෙන්න තිබුණානම්
සෙමින් නළලත පිරිමැද
කාන්සිය මාන්සිය
නිවා ලන්නට ඇත්නම්
සිසිල් පවන් රැල්
නිවන සේ දාහය
සනසන්න තිබුණානම්
සොඳුර නුඹ මගේ වී
මා නුඹේ වී
අපි අපේ වී තිබුණානම්