මීට කලින් ලියපු ප්ලේටෝගෙ ආදරය ගැන කියවීම් එක්ක මේරූපරාමු ගැන පොඩි අවබෝධයක් ඇති.....

 ඇත්තටම ලංකාවෙ ටෙලිනාට්‍යක දැකපු අතිශය සංවේදී මේ රූපරාමු කීපය ඊයෙ ඉඳන් මේ වෙනකන් දහ පාරකර වඩා බලන්න ඇති.....

 කිසිම දෙයක ආපිට බලාපොරොත්තු නොවී දීප්තට මගපෙන්නපු යශෝධරා අවසානයෙ එක දෙයක් බලාපොරොත්තු වෙනවා දීප්තගෙන්.....

"......හැම තිස්සෙම කල්පනාවෙන් වැඩකරන්න...."

මනුස්සයෙක්ට හරි ගෑණියෙක්ට හරි එහෙම ආදරේ කරන්න පුළුවන්ද? එහෙම නැත්නන් ඒ ආදරේ නෙවේ, වෙන මොකක් හරි දෙයක්ද? සහෝදර බැඳීමක්ද කියල හිතෙන තරමටම.....

දිනුෂ ජයසිංහ
31.05.2020 පෙව 10.00

හැමදාමත්ම වගේ
ආදරය නුඹ කෙරේ
තිබුණත් පිරී හිතේ
ඉතිරිලා ගියේ
ලියූ පදවල මගේ

ආදරය නුඹෙන්
නොලැබුණත් ඉතින්
ඉවසන්නෙ කෙලෙසකද
නුඹේ රුදු වදන්

ඉතින් අවසන
නුඹ පමණක්ම නොව
අහිමි වී ගොස්
මට මාව ද.....

ජීවිතේ වැඩි කොටස
නුඹ නමින් වෙන් කොට
ආදර සිනාවක්වත් නොපතාම
ආදරය කළ වරදට
නුඹම දඬුවම් දෙන'යුරු.....

එ'වදන් යවුල්
සිරකරයි හදවත
ගෙළ වටා හිරවන
කටු කම්බි මුදුවකි නුඹ
ආදරය වැඩි වෙදිදි
ගෙළ තවත් සිර වෙන.....

දන්නවද මැණික
නුඹේ රුදු වදන් එකවර
හදවත පසාරා එහෙට මෙහෙට
නොනැවතී විදුලියක් සේ
තලනවා පෙළනවා තාමත්
හොඳටෝම.....

මං ආදරේම ඔය හිනාවට
නැති කර ගන්න එපා
කවදාවත්ම

දුරින් සිටින්නැයි මගෙන්
ඔබ ඉල්ලන්නෙ ඇයි
මේ තරම් දුරින් ඉන්'නෙකම
මහා හිස් කමක් දනවද්දි
ලඟට ලඟටම එන්නට
හිත දහස් වර කීවත්
නුඹෙ කඳුළු රිසි නැති නෙත්
දුරින් හිඳ නුඹ බලමි රකිමි තැවෙමි
"නුඹේ ලඟටම පැමිණ
නුඹේ වෙන්නට ඇත්නම්
ඔය උණුහුමේ මොහොතක්
රැඳෙන්නට ඉඩ ඇත්නම්"
නොසිතාම දුරින් හිඳ
ආදරම පමණක්ම දෙමි
ඒ මත්තෙම මැරුණු දාක
ටිකක් ඈතට යනකන්
දුරින් නුඹ ලඟ ඉන්නට
ඉඩ දෙන්න මම ඉල්ලමි 🙏

සිරුර අත් පා යදම් බැඳ හිර කරපු
මිනිහෙක්ට වචනමයි ඉතුරු
විශ්වාස නොකලාට වචන වල ඇත්තේම
ආදරේ හිත යට රැඳුණු
ඒ උනත් ආදරේ ක්‍රියාවක්, වචන නොව
කියද්දිත් ඔබ වෙලා නපුරු
වචන මේ හැටි ලිය වෙන්නෙ ඇයි
බොරු වෙන්න ඇති අකුරු

නුඹ නමින් ඉපදෙන ආදරය
ලියවෙන්නෙ කවි ලෙස ඉඳ හිට
කවි නොලියවෙන දාට
ගැලූ කඳුලුත් කියයි ඒ ආදරය

තමන්ගෙම පපුව ගැහෙන සද්දෙ
තමන්ටම ඇහෙන එක
මහ කරුමයක්
තමන්ගෙ පපුව ගැහෙන සද්දෙ
අහන්නවත් කෙනෙක් නැති එක
ඊටත් වඩා කරුමයක්
                                       ~දිනූෂ

"ආශා - ඔයාගේ ඇස්වල කදුලු..?

සදුන් නිශ්සබ්දයි

ආශා  - මම කවදාවත් පිරිමින්ගේ ඇස්වල කදුලු දැකලා නැහැ....

සදුන් - ගෑනු හිතන් ඉන්නේ පිරිමි අඩන්නේ නැහැ කියලා....

ආශා - මං හිතුවේ ඒක පිරිමිකමට මදි කමක් කියලා....

සදුන් - හැම පිරිමියෙක් ඇතුලෙම සංවේදි මනුස්සයෙක් ජිවත්වෙනවා.. ගෑනු කවදාවත් ඒක හරියට දැක්කේ නැහැ...."

                                                    ~ගිරිදේවී