සැනසන්නවත් පැමිණෙන්න

ගිණිගෙන දැවෙන විට
මාරුතයකට බැහැ නිවන්න
ගිණිගෙන දැවෙන විට
නුඹත් නැති හැටි පැන් පොදක් ඉහින්න
ගිණිගෙන නැගෙන දුම්‍ රොටු
දුටුවොතින් හැකිවෙතොත් පැමිණෙන්න
ගිණිගෙන දැවෙන තුරු
ලඟින් ඉඳ සනසන්න

"සොඳුරු සියොතුන්" will broadcast on 25th @ 5pm on City fm

නොමැරී මැරී නොමැරෙන

යනෙන සැම තැන
ගොඩගැහුණු නුඹෙ මතක
නුඹ ලඟකවත් නැතුව

පපුවටම අනින සැරට
නොමැරෙන්නෙත්
නොමැරී මැරෙන්නෙත්
නුඹ හින්දමයි මැණික

සමාවෙන්න!

නුඹ ගැන "නොසිතාම"
පෙම් කරමි
සොයමි
තැවෙමි
විඳවමි

හෙර, සිත සොරා ගත්

මටත් කිසිම කිසි වැඩකට නැති
හිස්ම හිස් රළු හිතක් මුදු නැති
මටත් හොරෙන් නුඹ පැමිණ නොදැනි
පුදුමයි නුඹ හොරෙන් ගෙන ගිය හැටි

හිතක් නැතුවත් මට හිටිය හැකි
පරිස්සම් හිත නුඹ ගාව, මට වැඩි
දෙතොත් කිසිත් හිතට හිළව්කළ හැකි
තිතක් විතර ආදරය, මට ඒ ඇති

ඔව්, රිදෙන්නෙම එතන

හයිය නෑ ඔය තරන්නම් මගෙ හිත
ඉන්න බැහැ දරාගෙන මේ තරන් දුක
හඬවන්න මේ තරම් කළ වරද කිම
රිදෙන්නෙම හැමදාම ඔබ ඉන්න තැන

ඇත්තමයි මැණික

මං නොදන්නව නෙවෙයි මැණික
ආදරේ අඩුවක් නැති බව නුඹට
නුඹ නොදන්නව නෙවෙයි මැණික
ආදරේ කොතරම්ද මං නුඹට

සිහිනයට පෙර දකින සිහින

අත දිග නැතත් නුඹ බඳ වට       දැවටෙන්න
පිං මද වුනත් නිරතුරු නුඹ දැක          ගන්න
නුඹ සිත් වුනත් මාගෙන් ඈතට            යන්න
නුඹට බැඳුනු සිත මට බැහැ          වලකන්න

හදවත ගැහෙනවා වේගෙන් නුඹ     නැතිවා
සීතල සුළං නුඹ සතුටින් ඇති              කිව්වා
ඉකිබිඳ අඬන්නත් බැහැ කඳුලුත්      නැතිවා
මූසල රැයක කළුවර මගෙ තනි        මැකුවා

බෝඩිං බිත්තියේ මං නුඹෙ රුව           ඇන්දා
හීනෙන් වගේ කම්මුල් නුඹෙ සිප        ගත්තා
මොහොතින් නුඹේ මුව නුඹ අහකට  ගත්තා
කඳුලක් දිලිහෙනව හඳ එලියට          දැක්කා

ඔබ අභිමුව කුහුඹුවකුව

මුණගැහෙන තුරු ඔබ
සිතා සිටියෙමි මම
කිසිම දේකින් නොසැලෙන
ශක්තියක් මට හිමි බැව්

හඬා වැලපෙන තරමට
බියෙන් තැතිගෙන මා සිත
ඔබේ සෙනෙහෙ අභිමුව
කුහුඹුවකු වී ඇති හැටි

ඔබ ඔහු අතර මම

පැටලී දඟකළ දෑඟිලි ඔහු හා
අත හරුනත් ඉඳහිට නුඹ හින්දා
මඟ හැරුනේ නෑ ජීවිතේ
අරුත නුඹයි දිවියට ගෙනදුන්නේ සැමදා

අතිනත ගෙන ඔහු හා මා
පියමං කල මංමාවත් අතරින්
ඔහු හා මා අත් නුඹෙ අත් පටලන්
සවිය නුඹයි දිවියට ගෙන දුන්නේ සැමදා

විකසිත හිරු ආලෝකය දුන් දිවියට
පුන් සඳ වේ නුඹ එළිය විහිදුවන
හිමි නුඹ හිරුමය පුත නුඹ සඳු මට
ප්‍රේමිය වෙමි මම දෙදෙනා අභියස

හිත අස්සෙ රිංගගෙන කොනිත්තන්නට එපා

ලියවෙන්නෙ නෑ කිසිත්
හදවතත් ගොලු වෙලා
කෑ ගසා හඬනු බැහැ
කඳුලු ගඟ වියලිලා
මම තවම දන්නෙ නෑ
මා ඔබේමද කියා
නුඹ තවම දන්නෙ නෑ
නුඹ මගේමයි කියා

මේ තරන් ප්‍රේමයක්
හිත තුලට පතුරුවා
නුඹ නොදන්නා නමුත්
හිතේ නුඹ ඉන්නවා
නුඹ ඉන්න තැන හිතේ
හැමදාම රිදෙනවා
හිත අස්සෙ රිංගගෙන
කොණිත්තන්නට එපා

ඒ රිදුම් රිදුනාට
රිදෙනකොට ලස්සනයි
නුඹෙන් මට ලැබෙන ඒ
වේදනාවත් සැපයි

ජීවිතේ පළක් වෙද
ආදරේ කරනු බැරි
ආදරේ පළක් වෙද
මේ තරන් දුකක් නැති

සිහින

දෙතොල් නළලත සිපගත්
රස විඳිමු හාදුවක් උණුසුම්
දෙසැම්බරයේ සීත සවසක
බෙදා ගමු කෝපි උගුරක්

ආදරේ කියා දෙමි
නුඹ එක්ක වරුවක්
ඇස් දිහා බලාගෙන
ඔහේ ඉමු දවසක්

පොඩි ඉඩක් ලැබුනොතින්
හිනාවෙමු මොහොතක්
අඬන්නට හිතුනොතින්
හිනාවෙමු ආයෙත්