මතකයට නුඹ පැමිණි මොහොතට
මොහොතකට පසු දැනුනු හැඟුමට
නමක් නොදනිමි දුකද සතුටද
සොයමි තේරුම මට නොවැටහෙන
ජීවිතේ සතුටු තැන් තිබුණෙ නුඹ හිටිය විට අසලින්
ජීවිතේ කඩා හැලුණෙත් නුඹ නිසාමයි විටෙක විගසින්
දුක සතුට එකතු වුණ හැඟීමට නමක් පබැඳුවොතින්
ආදරය විතරමයි වචනයක් ඒ අරුත සමඟින්
විටින් විට පෙළෙන විට හද නුඹ නැතිව
මිහිරි මතක දිව ඔසුවකි සිත නිවන
සොඳුරු සිනහ නුඹ මුව දුටුවත් දිනක
අහිමි වේය හැඟුමින් මා සිත දවන
කොඳුර කොඳුර ආලය මුසු කරමින් ඉඳ හිට
සොඳුර නුඹට අමතක ඇති සැනසුනු තැන් අප
රිදුන රිදෙන තැන් ඉඳහිට පාරන විට හිත
සයුර විතර ගැඹුරු තැනක අතරමංව අප
No comments:
Post a Comment