බොහොමයක් රාත්‍රීන් ඉතා දිගුය
ඔබ දකින්නේ එවැනි දිගු රාත්‍රීන්ගෙන් ඉතා සුලු ප්‍රමාණයකි
මරණීය වේදනාවන් කඳුලු බවට පත්වන දිගු රැයවල් සියල්ල ඔබව අවදියෙන් තබන රැයවල් නොවන්නේය
නුඹ ගැන සිතීම නුඹ අවදියෙන් සිටියදී ද, නුඹ සුව නින්දක සිටියදී ද නිරායාසයෙන් සිදුවන්නකි
එලෙස සිතෙන වාරයක් වාරයක් පාසා මහත් වූ දුකක් සිතේ ජනිත වීම වලක්වන එන්නතක් තවමත් නැත
නමුත් එය වැලැක්වීමට ඇති එකම එක ඖෂධයක් පමණක් ඇති බව දනිමි
ඒ නුඹේ සිනහවකි
සිත නිරෝගී වන්නේ නුඹේ සිනහවකින් පමණි
ඉතා අහම්බෙන් මගේ ජීවිතේට ලං වෙච්ච එයා එක්ක මං ගොඩක් දේවල් කතා කරල තියෙනවා. සමහර දේවල් කියන්න මට හිටිය එකම විස්වාසවන්තයා එයා විතරයි. එයා ඒ තරන්ම හොඳින් ඒ දේවල් ඇහිවා. ඒ හැම සංවාදයක්ම අවසන් වුනේ හිනා මූණකින්. 🙂
සංවාදය නිළ වශයෙන් අවසන් වුණා කියන සංකේතය තමයි ඒ හිනා මූණ.
"Know this, You don't meet people by accident. And nothing in life happens by coincidence."
සරලව කිව්වොත් මේ ජීවිතේ අහම්බෙන් අපිට කවුරුවත් මුණගැහෙන්නෙ නෑ. ජීවිතේ කිසිම දෙයක් අහම්බෙන් සිද්ධ වෙන දේවලුත් නෙවේ. තවත් විදිහකට කියනවනන් අපිට අහම්බෙන් වගේ හමුවණ පුද්ගලයන්ට, සිදුවීම් වලට යම් කාර්‍යභාරයක් පැවරිලා තියෙනවා අපේ ජීවිතය සම්බන්ධව.
ඔය උඩ කතාව තියෙන්නෙ ඉන්දියාවෙ බැංගලෝරය ආශ්‍රිතව කතාවක් දිග හැරෙන "A Date" කියන පැය එකහමාරක විතර චිත්‍රපටයෙ. ඒත් ඒ චිත්‍රපටය විනාඩි කීපයකට වඩා බලන්න මට හිත දුන්නෙ නෑ.
දකුණු ආසියාතික රටක dating කියන්නෙ එච්චර සම්මත දෙයක් කියල සලකන්නෙ නැති දෙයක්නෙ. ගැහැණියකට පිරිමියෙකුට දවසක් එකතු වෙලා එළියට ගිහින් ගත කරනවා කියන දේ, සංස්කෘතිකව දරා ගන්න බැරි සමාජයකනෙ අපි ජීවත් වෙන්නෙ. ඒ වගේ සමාජයක කෙල්ලෙක් කොල්ලෙක් ගත කරන දවසක් ගැන තමයි මේ චිත්‍රපටය දිග හැරෙන්නෙ.
Receptionist - Madam some one has come to see you, can you come down to reception please
She - Who is that?
Receptionist - He told your colleague
She - Colleague? Ok coming
ඒ රාත්‍රියේ ඔවුන් හමුවන මොහොතයි. නමුත් ඇය නොසතුටින්‍ ය.
She - I hated him the moment I saw him. Guys cant be more anoying than this. Please no.
I am very tired and I desperately need to rest!. I think i got fever also
He - Monisha! You have promissed.
She - What the hell did I promise. Next week for sure
He - You are not going to keep your word
She - Hello? What? EMOTIONAL BLACKMAIL?
ඒ අන්තිම වචන දෙක මට මේක බලන එක අතිශය අපහසු කළා. ඇත්තටම Emotional Blackmail කරනවා කියන්නෙ මොකද්ද? ඇයි මගෙ ජීවිතේ හැම දෙයක්ම දැනගෙනත්, මම කවුද කියන දේ මටත් වඩා දැනගෙනත් එහෙම කිව්වෙ. ඒ වචනෙ එයා පාවිච්චි කලේ මාව මග හරින්න විතරම ද? ඔය වගේ මහ ප්‍රශ්න ගොඩක් ඔලුවට ආවා මේ දෙබස් කීපය නිසා.
ඇත්තටම ඒ චිත්‍රපටය ලස්සනයි. ඒ රඟපෑම් තාත්විකයි. මම මෙහෙම කියන්නෙ මම තව ටිකක් ඒක බලන්න උත්සාහ කළ නිසයි. ඒත් හරි අර Emotional Blackmail කියන වචනෙ ඔලුවෙ දෝංකාර දෙනකොට හරි අමාරුයි මනස එක විදිහකට තියාගෙන චිත්‍රපටයක් බලන්න.
ඒ වචනෙත් එක්ක මට මැවෙන්නෙ එයාව. Emotional Blackmail වෙලා ඉන්න කෙනෙක් කොහොමද තවත් කෙනෙක්ව Emotionally Blackmail කරන්නෙ? එහෙම වෙන්න පුලුවන් ද? ඒක මහ අභුත චෝදනාවක් විතරයි නේද?
ඉඳින් චිත්‍රපටය නැවත හෙට නැරඹීමට උත්සාහ කරමි. තාවකාලික සිනහ මුහුණ, එයාගෙ සතුට ආරක්ෂාව නිදහස වෙනුවෙන් ඉවසන්න පුලුවන් උනත් ස්ථීර හිනා මූණක් එහෙම ඉවසන්න බෑ. ඒක මහ වේදනාවක්!
She - Good Night
He - Take Care
She - hmmmmmmm
He - Love you
She - Bye beloved brother
He - Bye lovely sister
She - 🙂
He - 🙂
සමහර බැඳීම් ඉස්සරහ අපි හරි අසරණයි. ජීවත් වෙනවද මැරෙනවද කියන එකවත් තීරණය කර ගන්න බැරි තරමට අසරණයි.
හදවතින් ආදරේ කරන කෙනෙක් ඒ ආදරේ වෙනුවෙන් නොකරන දෙයක් නෑ. ඒ ආදරේ තමන්ගෙ කර ගන්න නොකරන දෙයක් නෑ.
සමහරුනන් කියයි ප්‍රතික්ෂේප කිරීම් තමයි ජීවිතේට ලැබෙන ලොකුම ආශිර්වාදය කියල. පිස්සු. එහෙම වෙලාම බලන්න ඕනෙ ඔය දාර්ශනික වදන් හරි යනවද කියල. තමන්ව ප්‍රතික්ෂේප උනාම එහෙනන් මිනිස්සු ඇයි ජීවිතේ නැති කර ගන්නෙ. ඒ මිනිස්සුන්ට ඒ ආදරේ තමන්ගෙ ජීවිතේට වඩා වටින නිසා නෙවේද?
ඒ නිසා වැරැද්දක් නැතුව තමන්ට ආදරේ කරන කෙනෙක් අමතක කරල දාන්න එපා කිසිම දවසක. තමන්ට ආදරේ කරන මනුස්සයා විඳවන හැටි රස විඳින්න එපා. ඒ මනුස්සයගෙ ජීවිතේ විනාස වෙන හැටි බලාගෙන ඉන්නවත්, නොදැක්ක විදිහට අහක බලන් ඉන්නවත් එපා.
කවද හරි දවසක අමතක වෙලා යයි කියල හිතෙයි. ඔව්...එහෙම වෙයි. ඒත් එදාට තමන් වෙනුවෙන්, තමන්ගෙ ආදරය වෙනුවෙන්, තමන්ගෙ එක වචනයක් වෙනුවෙන්, තමන්ගෙ එක හිනාවක් වෙනුවෙන් කෙනෙක් එයාගෙ ජීවිතෙන් වන්දි ගෙවල තියෙයි.
එදාටත් හිතෙයිද මම ඒ "කරදරෙන් නිදහස්" වුනා කියල?
ආදරේ කියන්නෙ පුදුමාකාර දෙයක්. ඒකට පුලුවන් මනුස්සයෙක් ජීවත් කරන්න. ඒ වගේම මැරි මැරී ජීවත් කරන්න. එහෙම නැත්නන් මරලම දාන්න. ඒක තීරණේ කරන්නෙ ආදරේ කරන අයමයි.
අපි කන්න ආස කෑමක් අපිට කවදාවත් නොලැබුනොත් අපි මැරෙන්නෙ නෑ. අපිට දුකකුත් නෑ. තිබ්බොත් හොඳයි කියල හිතෙයි. ඒත් නැතත් අවුලක් නෑ. අහල තියෙනවද ඒ වගේ රස කෑමක් කන්න නෑ කියල මැරුණ අය. පිස්සො වුණ අය.
හැබැයි ආදරේ එහෙම නෑ. ඒක නැති වෙන එක දරා ගන්න බෑ. නොලැබෙන එක දරා ගන්නත් බෑ. ලැබුණු ආදරයක් වෙනස් වෙන එක එච්චරවත් බෑ. ආදරේ නිසා තමංගෙ ජීවිතේ නැති කර ගත්ත අය කොච්චර ඇත්ද? ආදරේ නිසා පිස්සන්කොටු වලට කොටු වෙච්ච ජීවිත මෙච්චරයි කියල කියන පුලුවන්ද? ආදරේ නිසා මිනීමරුවො වෙච්ච අය පවා ඉන්නවා නේද?
ඒක හරියි කියනවා නෙවේ. නමුත් ඒක නේද යතාර්තය. මනුස්සයෙක්ට ආදරේ නැතුව ජීවත් වෙන්න බෑ. ඕනෙ හොරෙක්, මිනීමරුවෙක්, සල්ලාලයෙක් ඇතුලෙ උනත් ආදරේ කියන දේට ඉඩක් තියෙනවා. ඒ වගේ මනුස්සයෙක්ගෙ පපුව උනත් එක පාරට ගැස්සිලා යන්න හේතුවක් තමයි තමන්ගෙ ආදරේ නැති වෙන්න යනවා කියන හැඟීම.
ඒ වගේ හැඟීමක් පාලනය කර ගන්න පුලුවන්නන් හොඳයි. ඒත් ඒ කොහොමද? අඬල පුලුවන්ද? ආදරේ නිසා අඬන ගෑණු පිරිමි අඬල ඒක දරා ගන්නවද? එහෙම බෑ. එක්කො මුලු ජීවිත කාලෙම විඳවයි. එක්කො තමන්ගෙන්ම පළි අරන් විනාස වෙයි. මම මේ කතා කරන්නෙ ඇත්තටම ආදරේ කරන අය ගැන.
කිසිම දෙයක් බලාපොරොත්තු නොවී, කිසිම ස්පර්ශයක්වත් බලාපොරොත්තු නොවී ආදරේ කරන කෙනෙක්ට තමන්ගෙ ආදරවන්තයා හෝ ආදරවන්තිය කියන්නෙ මැණිකක්. ගොඩක් වටින මැණිකක්. ඒ මැණිකට උනත් හිතෙන්න පුලුවන් මේ කෙනාට මගේ තියෙන වටිනාකම මොකද්ද මෙච්චර කියල. ඒක කියන්න තේරෙන්නෙ නෑ.... මැණික.
ඒක කියන්න තේරෙන්නෙ නෑ. ඒත් තමන්ගෙ ජීව්තේට වඩා වැඩි වටිනාකමක් තියෙනවා කියන එකනන් ඕනෙවටත් වැඩිය තේරෙනවා.
දිනූෂ ජයසිංහ
ඇසිපිය නොහෙලා ඔබ එන තුරු බලා සිටින කීවෙනි දවසදැයි මට මතක නැත. රැයක් දවාලක් නැතුව මම ඔබ වෙනුවෙන් මග බලා හිඳිමි. ඔබ මා අසල නැතැයි සිතන ජීවිතයක් මට නැත. එසේ සිතීමත් බිය උපදවනසුලුය. එවැන්නක් සිතෙන සිතෙන වාරයක් පාසා ශරීරය හරහා විදුලියක් ගමන් කරන්නාක් මෙන් හැඟීමක් දැනේ. එය එතරම්ම දරා ගත නොහැකි හැඟීමකි. මා නුඹෙන් නුඹව නොඉල්ලමි. මා ඉල්ලන්නෙ මාවය. 🙏
ආදරය අහිමි වී යන බව දැනුණි
මාවතේ අතරමං කර ඔබ දුර ඇදුණි
පාලුවට මතක මුසු කොට මත් වෙමි
මරණයේ සයනය සුවැති බව දනිමි
ආදරය කියන්නෙම මත් වෙන්න පෙත්තක්
ඇබ්බැහිය අත්හැරිය නොහැකි වේදනාවක්
දැනුනොතින් ආදරය කවද හරි වතාවක්
දැනෙයි මගෙ හදවතට දැනෙන වේදනාවක්
යන්න යන්නම තව තවත් ලංවෙනා
පන්න පන්නම හිතට දෙන වේදනා
එන්න එන්නම මරණයක් ලං වෙනා
යන්න යනවිට ඔබ ඉතින් සතුටිනා
නුඹ සුවෙන් නිදන්න
තවත් නිදි නැති රාත්‍රියක කටුක බව විඳිමි
රාත්‍රිය සුන්දර බව කී කවීන් සියල්ල බොරු කාරයෝ බව තීරණය කලෙමි
රාත්‍රිය ආදරය නම් වරද කල වුන්ගේ සිපිරි ගෙයයි
නමුත්
වරද කල සියල්ලන් දඬුවම් නොවිඳියි
සමහරුන් දඬුවම් මගහැර සුවෙන් නිදයි
ඒ නම් වාසනාව විය හැක
අවාසනාව කර පින්නාගෙන පැමිණියෙකුට එවැන්නක් බලාපොරොත්තු විය නොහැක
ජීවිතය හරි පුදුමයි
එකම ආදරයක දෙකොන සිටි දෙදෙනෙක්
ඔබ සුව නින්දක - මා ඔබට සුව පතමින් කල්පනාවක
ඔබ දිනෙන් දින මරණයේ සුදු දද මගේ මග දෙපස අතුරයි
මා රැයෙන් රැය වීදුරු පුරා සතුට පැනින් ජීවිතය අයදියි
ව්‍යාග්‍ර ධේනුවක් ගොදුර අඩපණ කොට එදෙස බලා සිටියි
තවම මිය ගොස් නැත, බලාපොරොත්තු හැර මරණයට සැරසෙයි
සුදු නැති මගේ මරණය එපා වසන්න සුදු ඇඳුමකින්
කළු පැහැය කදිමයි, ආදරය නම් වරද සිහිගන්වයි
කඳුලු ආවොත් සතුටට, සඟවාගෙනම ඉන්න වෙයි
හිස නමා බොරු වැඳුම් මොකටද, මළ සිරුරකට අකැපයි
මිතුරන් හමුවන්න තොරතුරු විමසන්න මේක උත්සවයක්
විහිලුවෙන් සිනාවෙන් ප්ලාස්ටික් පුටුවක ඉන්න පුලුවන් ටිකක්
වැරදි ඇද හොඳ විමසන තැනක පවසන්න ඔබත් බොරුවක්
මිනීමරුවන් මළගමට පැමිණෙන එක සමාන්‍ය සිරිතක්
ඔයා ජීවිතේ වැඩියෙන්ම කතා කරල තියෙන කෙනා එක්ක, තමන්ට ඕනෙ දෙයක් බය නැතිව කියන්න පුලුවන් විස්වාසවන්තයා එක්ක, මම මේක මෙහෙම කරාට කමක් නැද්ද කියල අහල උපදෙසක් ගන්න පුලුවන් කෙනත් එක්ක, කියන වචනෙකින් දෙකකින් ඕනෙ ප්‍රශ්නයක් අමතක වෙලා යන කෙනත් එක්ක කිසිම සම්බන්ධයක් තියාගන්න බැරි පාලු දූපතක කවද හරි තනිවෙන්න උනොත්........ඒකත් හරියට මේ වගේම ඇති.......
දිනූෂ ...... .....
+ මොකද්ද ආදරේ කියන්නෙ?
- මේකට
+ ආදරේ කියන්නෙ ගවුන් අරන් දෙන එකද?
- නෑ.....හැම තිස්සෙම ඔයා වෙනුවෙන් මොනා හරි දෙයක් කරන්න ඕනෙ කියල හිතෙන එකට.....හැම තිස්සෙම ඔයාව මතක් වෙන එකට.....හැම තිස්සෙම ඔයාව ආරක්ෂාකරන්න ඕනෙ කියල හිතෙන එකට.....කවුරු හරි ඔයාට ලං වෙන්න හැදුවොත්, ඊරිසියාවක්.....තරහක්.....ඇතිවෙන එකට.....
~ගිරිදේවී
නුඹ සුව නින්දක
මා මතක අතර ගමනක
මල් ඵල දැරූ උද්‍යානයක් අසබඩ
ගිමන් හරින නිමේෂයක
මල් ඵල කිමද රහසින් කීවා
ගිණියම් වාලුකා කතරක
පය දැවි දැවී යන'තර
වේදනාව සුවයක් බව කෑගසා කීවා
හීන් මල් වැසි යටින් ජීවිතය සොයන විට
ජීවිතය මා (නොවන) බැව්
(නො)දැනෙන්න (නො)රිදෙන්න කීවා
හසුව සැඩ මාරුතයකට
පාවී පාවී එක්වර
සිහිනයෙන් සැනින් මිදුනා
නුඹට සුබ සිහින පැතුවා
ඉඳහිට හෝ පැමිණ
මගේ දුක රසවිඳ
සමච්චල් සිනාවක් පා
යන බැව් දනිමි
එබැවින් ලියමි
අවැසි වූ සේම
නුඹට, අන් අයට
අසීමිත වේදනාවෙන්
නොහඬා හඬමි
කඳුලු සඟවමි
නුඹ නොමැති ඉසව්වක
මා නොමළ මළමිණියකි
මා නොමැති ඉසව්වක
නුඹ නිදහස් කිරිල්ලකි
අගුලු ලන හේතුව දනිමි
නැවත නැවතත් කියමි
දුකින් පමණක් ලියමි
නුඹෙ සතුටම පතමි
ඒ වෙනුවෙන් ලියමි
ඉතින් හිනැහෙන්න මා දුකිනි.....
සමහර වචන ඇහුනාම මේ මොනාද වෙන්න යන්නෙ කියල හිතුනට
උගුර යට මොකද්දෝ හිටවෙලා වගේ දැනුනට
තමන්ටත් හොරෙන් ගෑණු පිරිමි භේදයක් නැතුව කදුලු ඉනුවට
මේ නැතිවෙන්න තමන්ට හුස්ම දීපු ජීවිතේ නේද කියල හිතුනට
එතනින් පස්සෙ ජීවත් වෙන හැටි ගැන අවිනිශ්චිත මුස්පේන්තු ගතියක් දැනුනට
කොටින්ම ජීවත් වෙලා වැඩ තියෙනවද කියල හිතුනට
ඒ හැම දේටම උඩ්න් හැම වෙලාවෙම තියෙන්නෙ එයාගෙ අනාගතය
ඉතින් කොහොමද කෑ ගහල අඬන්නෙවත්.......
දිනූෂ
සොඳුර,
මදක් කවුළුවෙන් එපිට බලන්න
අන්දකාරය කපාගෙන
තනිව හිනැහෙන හඳ පලුව දුටුවාද
ඒ දෙස බලා හිනැහෙන්න.......
සඳ එළිය මදක් තීව්‍ර වී දුටිමි
එනයින් හඳ පළුවෙන් 🌙 නුඹව දකිමි
නුඹ හා හිනැහෙමි.......
ලං වෙන්න බැරි දුර ඈත තැනක
දොරගුළු දැමූ අන්සතු පුංචි කුටියක සිට
හිනැහෙන නුඹව දකිමි.......
වේදනාවෙන් හිනැහෙන හඬමින් ප්‍රීතිවෙන
මගේ ජීවිතයට පණක් ලබමි........
දිනූෂ
2020.08.27
කිලිනොච්චියේ දී
මගේ නොනිම් ආදරයේ වපරිසරයෙන් නුඹ මුදා හැර නික්ම යා යුතු මුත්
නුඹේ නොනිම් ආදරයේ වපරිසරයෙන් මිදී යාමේ වේදනාව ඊට මග අහුරයි
ලෝකයෙන් වෙන්වුණු වෘත්තයක පරිධියේ දෙපස එකම වේගයෙන්
මා ඔබ පසුපස දිව එමි
නුඹ මා පසුපස.......
නැත!
නුඹ මගෙන් මිදී දිව යයි......!
දුම් වැටියක් දැල්වුවෙමි
දුමාරය මොහොතක් මා වට දැවටී වෙන්විය
වාකවුලුවෙන් නිදහස් විය
හරියට නුඹ වගේමය....
වේදනාවේ නිකොටින්
පමණක්ම ඉතිරි විය
ඒත් හරියට නුඹ වගේමය....
ආදරය කලේ ආදරය කරන්නේ
නුඹටම පමණය
ලියන්නේ නුඹටමය නුඹ වෙනුවෙන්ම පමණය
සිතන්නෙ හඬන්නේ නුඹ නිසා නුඹ වෙනුවෙන්මය
මේ අවනඩුව කියන්නේ මා මිය යා යුතු බවය,
මගේ නොනිම් ආදරයේ වපරිසරයෙන් නුඹ මුදා හැර ජීවිතයෙන් නික්ම යා යුතු බවය.....
ඔබ නොමැති ජීවිතය නම්
දිය රැළිති නැති ගැඹුරු ගංගාවේ
පාවෙමින් සිටිමි උඩුබැලි අතට ඔහේ
නහය විතරක් චුට්ටක්
වතුරෙන් උඩට
හුස්ම ගන්නට අවැසි නිසා පමණක්
නිලංකාරය දෑස් වැසී ගොස්
දැවෙමින් රක්ත හිරු කිරණින්
මා සිටින්නේ දුක සතුට නාදුනන
ඔබ නොමති ජීවිතය නම් ගංගාවේ
ගැඹුරුම ගැඹුරු තැනක
උඩුබැලි අතට පාවෙමින්
ඉඳ හිට ඉහෙන පල් වතුර බිඳකින්
නිවාගෙන පිපාසය
පෙඳ පාසි නිව්වා වගේ මතකයි සාගින්න
ඔහේ පාවෙමි ඔහේ පාවෙමි
ඔබ නොමැති ජීවිතය නම් ගංගාවේ
තනියට ඔබ නොපැමිණෙන බව දනිමි
ඔහේ පාවෙන ජීවිතය නොවටිනා බවද දනිමි
ඔබෙනුත් අත්වැලක් නොලැබේනම්
වෙනකෙක් පිහිටට නොඑන බවද දනිමි
එබැවින් පාවෙමි
දුක සතුට නොදැනෙන
ඔබ නොමැති ගංගාවේ.....
එසේ පාවී අවසන මියෙමි.........
ඕනෙම මිනිහෙක්ට හිතේ ආදරයක් ඇති වෙන්න පුලුවන්. ඒ මිනිහා හොරෙක්ද, බොරුකාරයෙක්ද, බේබද්දෙක්ඩ්ද, රඟපාන එකෙක්ද, දේශපාලකයෙක්ද, රජයේ සේවකයෙක්ද, බිස්නස් කාරයෙක්ද, පූජ්‍ය පක්ෂෙද, හිඟන්නෙක්ද, පාතල කාරයෙක්ද, කියන එක අදාල නෑ. හිතේ ආදරයක් ඇති උනාම ඒ ආදරේ තමයි අංක එක. ඒ මත්තෙ ජීවත් වෙන්නෙ. එහෙම වෙලාවක ඒ ආදරේ දමල ගහල යන්න යන්වනන්, තරාතිරම් අදාල නැතුවම මහ මූසල හැඟීමක් තමයි හිතට එන්නෙ. ආදරයක් නැති වෙනවා කියන්න දරන්න පුලුවන් දෙයක් නෙවේ. ඒ වගේ වෙලාවක ඇත්තටම ආදරේ කරපු පාතාල කාරයෙක්ටවත් තමන්ගෙ ආදරේ වෙනුවෙන් කඳුළක් නොහෙළා ඉන්න අමාරුයි. ඌ පාතාල කාරයෙක් කියල ඒ ගෑනිව උස්සගෙන ඇවිත් දස වද දෙන්නෙ නෑ. පැත්තකට වෙලා අඬනවා ඇරෙන්න. ආදරේදි බොරුකාරයො කියල ජාතියකුත් නෑ. මොකෙක් හරි බොරු කරනවනනන් ඒ යකා ආදරේ නෑ. හැබැයි, ආදරේ මනුස්සයෙක්ට කවදාවත් බොරු කරබ එක ලේසිත් නෑ. ඒ නිසා කිසිම හේතුවකට ආදරේ කරපු මනුස්සයෙක්ව මොකක් හරි හේතුවක් හොයාගෙන අමතක කරන්න හදනවනන්, ඒ ඌව මරල දානවා වගේ වැඩක්. ඒ මනුස්සය ජීවත් උනත් මැරි මැරී ජීවත් වෙයි. ඒ මනුස්සයාගෙන් ගැලවුණා කියල සතුටු වෙනවනන්, සෙලිබ්‍රේට් කරනවනන් හරි පව්. මනුස්සයෙක් ජීවත්ව ඉද්දිම මරණවා කියන්නෙ, මරල දානවට වඩා වේදනාවක්.
ඕනෙම මිනිහෙක්ට හිතේ ආදරයක් ඇති වෙන්න පුලුවන්. ඒ මිනිහා හොරෙක්ද, බොරුකාරයෙක්ද, බේබද්දෙක්ඩ්ද, රඟපාන එකෙක්ද, දේශපාලකයෙක්ද, රජයේ ආද් ආඩ්සේද්වර්ක්ද, බිස්නස් කාරයෙක්ද, පූජ්‍ය පක්ෂෙද, හිඟන්නෙක්ද, පාතල කාරයෙක්ද, කියන එක අදාල නෑ. හිතේ ආදරයක් ඇති උනාම ඒ ආදරේ තමයි අංක එක. ඒ මත්තෙ ජීවත් වෙන්නෙ. එහෙම වෙලාවක ඒ ආදරේ දමල ගහල යන්න යන්වනන්, තරාතිරම් අදාල නැතුවම මහ මූසල හැඟීමක් තමයි හිතට එන්නෙ. ආදරයක් නැති වෙනවා කියන්න දරන්න පුලුවන් දෙයක් නෙවේ. ඒ වගේ වෙලාවක ඇත්තටම ආදරේ කරපු පාතාල කාරයෙක්ටවත් තමන්ගෙ ආදරේ වෙනුවෙන් කඳුළක් නොහෙළා ඉන්න අමාරුයි. ඌ පාතාල කාරයෙක් කියල ඒ ගෑනිව උස්සගෙන ඇවිත් දස වද දෙන්නෙ නෑ. පැත්තකට වෙලා අඬනවා ඇරෙන්න. ආදරේදි බොරුකාරයො කියල ජාතියකුත් නෑ. මොකෙක් හරි බොරු කරනවනනන් ඒ යකා ආදරේ නෑ. හැබැයි, ආදරේ මනුස්සයෙක්ට කවදාවත් බොරු කරබ එක ලේසිත් නෑ. ඒ නිසා කිසිම හේතුවකට ආදරේ කරපු මනුස්සයෙක්ව මොකක් හරි හේතුවක් හොයාගෙන අමතක කරන්න හදනවනන්, ඒ ඌව මරල දානවා වගේ වැඩක්. ඒ මනුස්සය ජීවත් උනත් මැරි මැරී ජීවත් වෙයි. ඒ මනුස්සයාගෙන් ගැලවුණා කියල සතුටු වෙනවනන්, සෙලිබ්‍රේට් කරනවනන් හරි පව්. මනුස්සයෙක් ජීවත්ව ඉද්දිම මරණවා කියන්නෙ, මරල දානවට වඩා වේදනාවක්.
"ප්‍රේමයක් පැමිණෙන්නේ අනෙකාට ගෞරව කරනවායැයි හදවතින් තබන ගිවිසුම සමග ය. ප්‍රේමයක් පැමිණෙන්නේ එකිනෙකාව දරාගන්නවා යැයි, එකිනෙකා වෙනුවෙන් ලෝකයක් ඉදිරියේ පෙනී සිටිනවා යැයි යන පොරොන්දුව සමග ය.
ප්‍රේමයක් පැමිණෙන්නේ නොරිද්දා රකිනවායැයි යන සපථ කිරීම සමග ය. ප්‍රේමයක් පැමිණෙන්නේ කුදු මහත් ලෝකය අස්සේ මතක් වන , සොයාබලන බවට වන එකගවීම් සමග ය. ප්‍රේමයක් පැමිණෙන්නේ නන්නාදුන ගැහැණියක ට, පිරිමියෙකු ට තම ජීවිතයේ ලොකුම කොටස වෙන් කර දෙනවා යැයි ගත් තීරණය සමග ය. ප්‍රේමයක් පැමිණෙන්නේ ලෝකයක අවමන් ඉදිරියේ රකිනවා යැයි හදවත් වලින් වූ පොරොන්දුවක් සමග ය.
ප්‍රේමය යනු, පෙනීසිටීම් ය , දරාගැනීම් ය, රැකබලාගැනීම් ය, ඉවසීම් ය, නොරිද්දා සිටීම් ය, ගෞරව කිරීම් ය. තුවාල නොකිරීම් ය.
හදවත් පරෙස්සම් කිරීමේ වගකීම ගැනීම් ය."
-Copied from Sami Romana Bannahaka
